ازاي اعمل بيرسونال براندينج

إزيك يا رفيقي الماركتير؟ آه انت، اللي قاعد وبتقول لنفسك: "أنا عندي حاجات جامدة أقولها… بس مش خايف أبان إني بتفزلك!" لو ده صوتك الداخلي… فإنت في المكان الصح.

النهاردة هقولك إزاي تبدأ تبني البيرسينوال براندينج بتاعك من غير ما تحس إنك قاعد بتهري ومن غير ما تقول للناس انك جامد بطريقة مباشرة يلا بينا؟

شوف الفيديو من هنا

البيرسونال براندينج هو احساس الناس بيك او الناس شايفاك ازاي. يعني لو انت شاطر في التسويق، الناس لازم تشوف ده وتحس بيه فبدل ما تقول: "أنا شاطر في التسويق!" احكيها في قصة من شغلك، من يومك، من فشلك حتى. وبين السطور… المهارة هتبان.

🎯 مثال: بدل ما تقول "أنا خبير في كتابة المحتوى" قول: "النهاردة كتبت بوست للعميل جاب 100 ألف تفاعل… بس كان ناقصه حتة صغيرة في البوست الي بعده وجبت ٢٠٠ الف. .. اتعلم تشارك، ماتنظرش

انت مش ناظر في مدرسة إنت حد بيشارك تجربته… دورك تقول للناس: "أنا عملت كذا… حققت كذا… إتعلمت كذا."

بلاش طريقة: انا عارف كل حاجة انا خبير وجامد وخليها ✔ "أنا جربت كذا… وده اللي حصل. وكثر بقا من السلسلة دي.

الناس بتحب تحس إنها بتتعلم من صاحبهم… مش من مُدرس في المدرس.

متحاولش تبان جامد… خليك على طبيعتك

أوعى تحاول تبقى نسخة من حد تاني! خليك انت بضحكتك، بأسلوبك، بكلامك العادي… هو ده بالظبط البيرسنوال براندينج.

وهنا يجي سوال مهم عارف إيه اللي بيخلي الناس تحبك؟ "العفوية المقصودة. يعني تكون طبيعي، بس فاهم إنت بتقول إيه… مش أي كلام والسلام. ومفيش مشكلة في تحسين شخصيتك طول الرحلة البس كويس علشان يكون شكلك حلو وفي نفس الوقت بلاش تلبس حاجة تخنقك علشان الناس .

صوّر فيديو من تليفونك، وأنت قاعد في كافيه وقول: "النهاردة هكلمكم عن أكتر حاجة خلتني أبدأ في المجال ده؟" واحكي حكايتك. التكرار بيعلم الشطار

الناس مش بتفتكر كل حاجة، بس بتفتكر اللي بيتكرر.

اختار فكرة واحدة تمثل البراند بتاعك، وابني حواليها. كل المحتوى يعني لو إنت بتكلم عن التسويق، خلي كل بوست، كل فيديو، يدور حوالين فكرة: انك ماركتير شاطر خليك consistent… مش perfect

الناس بتحب اللي موجود دايمًا. انزل السوق ووسخ ايدك. اتكلم. اغلط. عدل. كرر. الناس بتحترم اللي بيكمل، استمراريتك هتفرض نفسها على الناس.

اكتب في ورقة عندك الكلام ده: البراند مش انا البراند هو شعور الناس بيا.

هااحكي تجاربي مش هدي للناس دروس.

هبقا حقيقي … بس مركز.

هركز على فكرة واحدة

هستمر حتي لو مش جاهز ١٠٠٪. لو وصلت لحد هنا انا بحبك اكتب ليا في الكومنتات انا بدات علشان اخد الفيديو بتاعك او بوستاتك شير في الاستوري عندي.

0 comments

مستقبل العمل: ما هي الوظائف المطلوبة؟

See all posts from mohamed Fahim